ಗರ್ಭಪಾತದ ಬಗ್ಗೆ ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು

Women-sitting on the bed- thinking

ಭಾರತದಲ್ಲಿ ಗರ್ಭಪಾತವು ಕಾನೂನುಬದ್ಧವಾಗಿದೆಯೇ?

ಹೌದು. ಹೌದು, ಇದು ಅನೇಕ ಅಭಿವೃದ್ಧಿ ಹೊಂದಿದ ದೇಶಗಳಿಗಿಂತ ಭಿನ್ನವಾಗಿದೆ, ಅಲ್ಲಿ ಗರ್ಭಪಾತವು ರಾಜಕೀಯ ಸಿದ್ಧಾಂತಗಳನ್ನು ಒಳಗೊಂಡ ವಿವಾದಾತ್ಮಕ ವಿಷಯವಾಗಿದೆ. ಗರ್ಭಧಾರಣೆಯ ವೈದ್ಯಕೀಯ ಮುಕ್ತಾಯ (Medical Termination of Pregnancy MTP – ಎಂಟಿಪಿ) ಕಾಯ್ದೆ 1971 ಗರ್ಭಧಾರಣೆಯ 20 ವಾರಗಳವರೆಗೆ ಗರ್ಭಧಾರಣೆಯ ವೈದ್ಯಕೀಯ ಮುಕ್ತಾಯವನ್ನು (ಎಂಟಿಪಿ) ಅನುಮತಿಸುತ್ತದೆ. ನೀವು ತಿಳಿದುಕೊಳ್ಳಬೇಕಾದದ್ದು ಇಲ್ಲಿದೆ:

  • ಗರ್ಭಧಾರಣೆಯ 12 ವಾರಗಳಲ್ಲಿ ಎಂಟಿಪಿ ಯನ್ನು ಒಬ್ಬ ವೈದ್ಯರ ಅನುಮೋದನೆಯೊಂದಿಗೆ ಮಾಡಬಹುದು.
  • ಇಬ್ಬರು ವೈದ್ಯರು ಸಮ್ಮತಿಸಿದರೆ, ಗರ್ಭಧಾರಣೆಯ 12 ರಿಂದ 20 ವಾರಗಳ ನಡುವಿನ ಎಂಟಿಪಿ ಮಾಡಬಹುದು.
  • ಗರ್ಭಪಾತವನ್ನು ಬಯಸಲು ಮಹಿಳೆ:
  • ಗರ್ಭಧಾರಣೆಯ ಕಾರಣ ಆಕೆಯ ಆರೋಗ್ಯ (ದೈಹಿಕ ಮತ್ತು ಮಾನಸಿಕ) ಅಪಾಯದಲ್ಲಿದರೆ.
  • ಭ್ರೂಣವು ಅಸಹಜತೆಗಳನ್ನು ಹೊಂದಿದ್ದು, ಅದು ನಂತರ ವಿರೂಪ ಮತ್ತು ಅಪಾಯಗಳಿಗೆ ಕಾರಣವಾಗಬಹುದು.
  • ಅತ್ಯಾಚಾರದ ಪರಿಣಾಮವಾದ ಗರ್ಭಧಾರಣೆ.
  • ಗರ್ಭಧಾರಣೆಯು ಅನಪೇಕ್ಷಿತವಾಗಿದ ಹಾಗು ಗರ್ಭನಿರೋಧಕ ವಿಫಲತೆಯಿಂದ ಉಂಟಾದ (ಗರ್ಭಧಾರಣೆಯ ಒಂದು ಅಥವಾ ಹೆಚ್ಚಿನ ವಿಧಾನಗಳನ್ನು ಬಳಸಿದ್ದರೂ ಸಹ ಗರ್ಭಧಾರಣೆ ಸಂಭವಿಸಿದೆ). ಈ ಷರತ್ತು ವಿವಾಹಿತ ಮಹಿಳೆಯರಿಗೆ ಮಾತ್ರ ಅನ್ವಯಿಸುತ್ತದೆ ಎಂಬುದನ್ನು ಗಮನಿಸುವುದು ಮುಖ್ಯ.
  • ಗರ್ಭಪಾತವನ್ನು ನೋಂದಾಯಿತ ವೈದ್ಯಕೀಯ ವೈದ್ಯರು (ಆರ್‌ಎಂಪಿ) ನಿರ್ವಹಿಸಬೇಕು, ಅವರ ರುಜುವಾತುಗಳನ್ನು ಕಾಯಿದೆಯಡಿ ಅನುಮೋದಿಸಲಾಗಿದೆ, ಆಕ್ಟ್ ಅಡಿಯಲ್ಲಿ ಅನುಮೋದನೆ ಪಡೆದಿರ ಬೇಕು. ಯಾವುದೇ ಆರ್‌ಎಂಪಿ ಗರ್ಭಪಾತವನ್ನು ಮಾಡಲು ಸಾಧ್ಯವಿಲ್ಲ.

18 ಕ್ಕಿಂತ ಕಡಿಮೆ ವಯಸ್ಸಿನವರು  ಗರ್ಭಪಾತ ಪಡೆಯಬಹುದೇ?

ಹೌದು, ಕಾನೂನಿನ ಷರತ್ತುಗಳನ್ನು ಪೂರೈಸುವವರೆಗೆ ಅಪ್ರಾಪ್ತ ವಯಸ್ಸಿನ ಹುಡುಗಿ ಗರ್ಭಪಾತವನ್ನು ಪಡೆಯಬಹುದು. ಅಂತಹ ಗರ್ಭಪಾತದಲ್ಲಿ, ಹುಡುಗಿಯ ರಕ್ಷಕರ ಒಪ್ಪಿಗೆ ಕಡ್ಡಾಯವಾಗಿರಬೇಕು. ಎಂಟಿಪಿ ಕಾಯ್ದೆಯು ರಕ್ಷಕನನ್ನು “ಅಪ್ರಾಪ್ತ ವಯಸ್ಕ ಅಥವಾ ಉನ್ಮಾದದ ​​ವ್ಯಕ್ತಿಯ ಆರೈಕೆಯನ್ನು ಹೊಂದಿರುವ ವ್ಯಕ್ತಿ” ಎಂದು ವ್ಯಾಖ್ಯಾನಿಸುತ್ತದೆ. 

ಅವಿವಾಹಿತ ಮಹಿಳೆ ಗರ್ಭಪಾತ ಪಡೆಯಬಹುದೇ?

ಭಾರತದಲ್ಲಿ ಗರ್ಭಪಾತವು ಕಾನೂನುಬದ್ಧವಾಗಿದ್ದರೂ, ಮಹಿಳೆ ಮತ್ತು ಭ್ರೂಣದ ಆರೋಗ್ಯದ ಬಗ್ಗೆ ಕಾಳಜಿಯಿಂದ ಪ್ರೇರೇಪಿಸಲ್ಪಟ್ಟಿದೆ. ಗರ್ಭನಿರೋಧಕ ವೈಫಲ್ಯ, ಉದಾಹರಣೆಗೆ, ವಿವಾಹಿತ ಮಹಿಳೆಯರಿಗೆ ನಿರ್ದಿಷ್ಟವಾಗಿ ಉಲ್ಲೇಖಿಸಲಾದ ಷರತ್ತು. ಅವಿವಾಹಿತ ಮಹಿಳೆ, ವಿವಾಹಿತರಂತೆ, ಆರೋಗ್ಯ ಕಾರಣಗಳಿಗಾಗಿ ಗರ್ಭಪಾತವನ್ನು ಪಡೆಯಬಹುದು ಮತ್ತು ಲೈಂಗಿಕ ದೌರ್ಜನ್ಯದ ಪರಿಣಾಮವಾಗಿ ತನಗೆ ಉಂಟಾದ ಗರ್ಭಧಾರಣೆಯನ್ನು ಬಯಸದಿದ್ದರೆ ಗರ್ಭಪಾತವನ್ನು ಪಡೆಯಬಹುದು. ಸಂಭೋಗದ ಸಮಯದಲ್ಲಿ ಕಾಂಡೋಮ್ ಮುರಿದರೆ ಗರ್ಭಪಾತವನ್ನು ಕೇಳುವ ನಿರೀಕ್ಷೆಯಿಲ್ಲ. ಇದರರ್ಥ ಅವಿವಾಹಿತ ಮಹಿಳೆಯರಿಗೆ ಭಾರತದಲ್ಲಿ ಗರ್ಭಪಾತವು ಪಡೆಯಲಾಗುವುದಿಲ್ಲವೇ? ಅದೃಷ್ಟವಶಾತ್, ಅದು ನಿಜವಲ್ಲ.

ಮಹಿಳೆಗೆ ಆರೋಗ್ಯದ ಅಪಾಯಗಳ ಷರತ್ತು ಹೀಗಿದೆ: ಗರ್ಭಧಾರಣೆಯ ಮುಂದುವರಿಕೆ ಮಹಿಳೆಯ ಜೀವಕ್ಕೆ ಅಪಾಯ ತರುವಂತಿದ್ದರೆ ಅಥವಾ ದೈಹಿಕ ಅಥವಾ ಮಾನಸಿಕ ಆರೋಗ್ಯಕ್ಕೆ ಅಪಾಯವನ್ನುಂಟು ಮಾಡುತ್ತದೆ. ಹೀಗಾಗಿ, ವೈದ್ಯರು ಅನಗತ್ಯ ಗರ್ಭಧಾರಣೆಯನ್ನು ಗರ್ಭಿಣಿ ಮಹಿಳೆಯ ಮಾನಸಿಕ ಆರೋಗ್ಯಕ್ಕೆ ಗಂಭೀರ ಗಾಯವನ್ನುಂಟುಮಾಡುವಂತೆ ನೋಡಿದರೆ, ಗರ್ಭಪಾತವನ್ನು ಅನುಮೋದಿಸುತ್ತಾರೆ.

ಗರ್ಭಪಾತ ಪಡೆಯಲು ನನ್ನ ಗಂಡನ ಒಪ್ಪಿಗೆ ಬೇಕೇ?

ಇಲ್ಲ. ನೀವು 18 ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಾಗಿದ್ದರೆ, ನಿಮಗೆ ಯಾರ ಒಪ್ಪಿಗೆಯ ಅಗತ್ಯವಿಲ್ಲ.

20 ವಾರಗಳ ಮಿತಿಯ ನಂತರ ಗರ್ಭಪಾತವನ್ನು ಅನುಮತಿಸಲಾಗುವುದಿಲ್ಲವೇ?

ಕಾನೂನಿನ ಪ್ರಕಾರ ಆಗುವುದಿಲ. ಆದರೆ, ಅಗತ್ಯವಿದ್ದರೆ, ನೀವು ನ್ಯಾಯಾಲಯವನ್ನು ಸಂಪರ್ಕಿಸಬಹುದು. ಅಂತಹ ವಿನಂತಿಗೇ ದೃಢವಾದ ಆಧಾರಗಳನ್ನು ಹೊಂದಿರಬೇಕು. ಕಳೆದ ವರ್ಷ, ಮಹಿಳೆಯರಿಗೆ ಆರೋಗ್ಯದ ಅಪಾಯಗಳು ಅಥವಾ ಭ್ರೂಣಕ್ಕೆ ಗಂಭೀರ ವಿರೂಪಗಳ ಕಾರಣ 20 ವಾರಗಳ ನಂತರ ಗರ್ಭಪಾತಕ್ಕೆ ಸುಪ್ರೀಂ ಕೋರ್ಟ್ ಅನುಮತಿ ನೀಡಿತು. ಮಹಿಳೆ ಮತ್ತು ಭ್ರೂಣಕ್ಕೆ ಯಾವುದೇ ಅಪಾಯವಿಲ್ಲದ ವಿನಂತಿಗಳನ್ನು ಸುಪ್ರೀಂ ಕೋರ್ಟ್ ತಿರಸ್ಕರಿಸಿದೆ.

ಗರ್ಭಪಾತದ ವಿವಿಧ ಪ್ರಕಾರಗಳು ಯಾವುವು?

ಔಷಧಿಗಳಿಂದ ಸಾಮಾನ್ಯವಾಗಿ 7 ವಾರಗಳಲ್ಲಿ: ಎಂಟಿಪಿ ಕಿಟ್ ಅನ್ನು ಬಳಸಲಾಗುತ್ತದೆ, ಇದು ಮೌಖಿಕ ಬಳಕೆಗಾಗಿ ಒಂದು ಟ್ಯಾಬ್ಲೆಟ್ ಮತ್ತು ಯೋನಿ ಅಳವಡಿಕೆಗೆ ನಾಲ್ಕು ಟ್ಯಾಬ್ಲೆಟ್ಗಳನ್ನು ಹೊಂದಿರುತ್ತದೆ. 

ವೈದ್ಯಕೀಯ ಗರ್ಭಪಾತವು ಎರಡು ಹಾರ್ಮೋನ ಔಷಧಿಗಳ ಸಂಯೋಜನೆಯನ್ನು ಬಳಸುತ್ತದೆ – ಆಂಟಿ-ಪ್ರೊಜೆಸ್ಟರಾನ್ ಮತ್ತು ಪ್ರೊಸ್ಟಗ್ಲಾಂಡಿನ್, ಇದನ್ನು ವಿವಿಧ ಮಾರ್ಗಗಳ ಮೂಲಕ ಸೇವಿಸಬಹುದು. ಬಾಯಿಯ ಮೂಲಕ, ಇಂಟ್ರಾಮಸ್ಕುಲರ್ಲಿ / ಇಂಟ್ರಾವೆನಸ್ ಅಥವಾ ಯೋನಿಯ ಮೂಲಕ, ಅಥವ ಚುಚ್ಚುಮದ್ದಿನ ಮೂಲಕ ಬಳಸಬಹುದು.

ಶಸ್ತ್ರಚಿಕಿತ್ಸೆಯ ಮೂಲಕ

ಸಾಮಾನ್ಯವಾಗಿ 12 ವಾರಗಳಲ್ಲಿ: ಸಕ್ಷನ್ ಕ್ಯುರೆಟ್ಟೇಜ್ (suction curettage) ಎಂಬ ವಿಧಾನವನ್ನು ಬಳಸಿಕೊಂಡು ಗರ್ಭಧಾರಣೆಯನ್ನು ಕೊನೆಗೊಳಿಸಲಾಗುತ್ತದೆ, ಯೋನಿಯ ಒಳಗೆ ಹೀರಿಕೊಳ್ಳುವ ಯಂತ್ರದ ಸಣ್ಣ ಟ್ಯೂಬ್ ಅನ್ನು ಕಳುಹಿಸಲಾಗುವುದು. ಈ ವಿಧಾನದಲ್ಲಿ ಗರ್ಭಧಾರಣೆಯನ್ನು ಹೀರಿಕೊಳ್ಳಲಾಗುತ್ತದೆ.

ಸಾಮಾನ್ಯವಾಗಿ 12 ವಾರಗಳಿಂದ 20 ವಾರಗಳ ನಡುವೆ: ಈ ಸಮಯದಲ್ಲಿ ನಿಯೋಜಿಸಲಾದ ವಿಧಾನವನ್ನು ಹಿಗ್ಗುವಿಕೆ ಮತ್ತು ಸ್ಥಳಾಂತರಿಸುವಿಕೆ (dilation and evacuation (D&E) – ಡಿ & ಇ) ಎಂದು ಕರೆಯಲಾಗುತ್ತದೆ. ಗರ್ಭಕಂಠವನ್ನು ನಿಧಾನವಾಗಿ ತೆರೆಯುವ ಸಲುವಾಗಿ ಗರ್ಭಕಂಠದ ಡಿಲೇಟರ್ ಅನ್ನು ಸೇರಿಸಲಾಗುತ್ತದೆ. ಇದು ಹಿಗ್ಗಿದ ನಂತರ, ಹೀರುವ ಕೊಳವೆ ಮತ್ತು ಇತರ ಶಸ್ತ್ರಚಿಕಿತ್ಸಾ ಸಾಧನಗಳನ್ನು ಬಳಸಿ ಗರ್ಭಧಾರಣೆಯನ್ನು ತೆಗೆದುಹಾಕಲಾಗುತ್ತದೆ.

ಗರ್ಭಪಾತದ ನಂತರ ನಾನು ಏನು ನಿರೀಕ್ಷಿಸಬಹುದು?

ಪ್ರತಿಯೊಬ್ಬರೂ ನೋವನ್ನು ವಿಭಿನ್ನವಾಗಿ ಅನುಭವಿಸುತ್ತಾರೆ. ಗರ್ಭಪಾತದ ನಂತರ ರಕ್ತಸ್ರಾವವಾಗುತ್ತದೆ. ನೀವು ಒಂದೆರಡು ದಿನಗಳವರೆಗೆ ಸೆಳೆತವನ್ನು ನಿರೀಕ್ಷಿಸಬಹುದು. ನಿಮಗೆ ಸ್ವಲ್ಪ ಪರಿಹಾರ ಪಡೆಯಲು ನಿಮ್ಮ ವೈದ್ಯರು ಔಷಧಿಗಳನ್ನು ಶಿಫಾರಸು ಮಾಡುತ್ತಾರೆ. ಜ್ವರ ಅಥವಾ ಯೋನಿಯಿಂದ ಯಾವುದೇ ದುರ್ವಾಸನೆ ಬೀರುವ ವಿಸರ್ಜನೆಯನ್ನು ನಿರ್ಲಕ್ಷಿಸಬೇಡಿ; ಇವು ಸೋಂಕಿನ ಸೂಚನೆಗಳಾಗಿರಬಹುದು. ಸ್ವಲ್ಪ ಅಸ್ವಸ್ಥತೆಗಾಗಿ ವೈದ್ಯರನ್ನು ನೋಡಿ. ನೀವು ಉತ್ತಮ ಆರೋಗ್ಯದಲ್ಲಿದ್ದೀರಿ ಎಂದು ಖಚಿತಪಡಿಸಿಕೊಳ್ಳಲು ಎರಡು ವಾರಗಳಲ್ಲಿ ವೈದ್ಯರನ್ನು ಭೇಟಿ ಮಾಡಿ. ನಿಮ್ಮ ಆರೋಗ್ಯಕ್ಕೆ ಪ್ರಾಮುಖ್ಯತೆ ನೀಡಿ.

ಗರ್ಭಪಾತದ ನಂತರ ಯಾವಾಗ ಸಂಭೋಗವನ್ನು ಪ್ರಾರಂಭಿಸಬಹುದು?

ನಿಮ್ಮ ದೇಹ ನೀವು ತಿಳಿದಿರುವುದಕ್ಕಿಂತ ಚುರುಕಾದದು. ಅದು ಸ್ವಯಂ ಗುಣಪಡಿಸುತ್ತದೆ. ಸಂಭೋಗವನ್ನು ಪ್ರಾರಂಭಿಸಲು ನೀವು ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ಆರಾಮಗಿರುವಾಗ ನಿಮಗೆ ತಿಳಿಯುತ್ತದೆ. ಕೆಲವು ವೈದ್ಯರು ಒಂದು ಅಥವಾ ಎರಡು ವಾರ ತ್ಯಜಿಸಲು ಸಲಹೆ ನೀಡಬಹುದು.

ನಾನು ಮತ್ತೆ ಮುಟ್ಟನ್ನು ಯಾವಾಗ ಪ್ರಾರಂಭಿಸುತ್ತೇನೆ?

ಗರ್ಭಪಾತದ ನಂತರ ಮೂರರಿಂದ ಆರು ವಾರಗಳಲ್ಲಿ ನಿಮ್ಮ ಮುಟ್ಟನ್ನು ನೀವು ನಿರೀಕ್ಷಿಸಬಹುದು. ಗರ್ಭಪಾತವು ಆಗಾಗ್ಗೆ ರಕ್ತಸ್ರಾವದೊಂದಿಗೆ ಇರುತ್ತದೆ, ಮತ್ತು ಕೆಲವೊಮ್ಮೆ, ಈ ರಕ್ತಸ್ರಾವವು ಒಂದು ವಾರ ಅಥವಾ ಅದಕ್ಕಿಂತ ಹೆಚ್ಚು ಕಾಲ ಉಳಿಯುತ್ತದೆ. ಈ ರಕ್ತಸ್ರಾವವು ನಿಮ್ಮ ಮುಟ್ಟಿಗೆ ಸಂಬಂಧಿವಿಲ್ಲ. ಗರ್ಭಪಾತದ ನಂತರದ ಮೊದಲ ಮುಟ್ಟು ಸಾಮಾನ್ಯವಾಗಿ ಅನುಭವಿಸುವುದಕ್ಕಿಂತ ಹೆಚ್ಚು ತೀವ್ರವಾದ ಸೆಳೆತಕ್ಕೆ ಒಳಗಾಗುವ ಸಾಧ್ಯತೆಯಿದೆ.

Translated to Kannada by Vinay Kumar V

0 comments Add a comment

Leave a Reply

Your email address will not be published. Required fields are marked *